Bunu Demokrat.az-a açıqlamasında "Davamlı Turizmin İnkişafına Dəstək" İB-nin sədri Nərminə Qəribova deyib. O bildirib ki, şəhərin küçə, prospekt və parklarında yerləşən yaşıllıq sahələrinin mövcud vəziyyətinin qiymətləndirilməsi məqsədilə genişmiqyaslı inventarizasiya işləri aparılıb:
“Bu tədbirin əsas məqsədi şəhər mühitində yaşıllıqların sağlamlaşdırılması və əhalinin sağlam yaşayış mühitinin təmin edilməsidir. Gəncə şəhəri ölkənin həm ictimai-siyasi həyatında, həm də turizm sahəsində önəmli yerdədir. Şəhərdə bu cür yaşıllıqların salınması gələcəkdə davamlı, ekoloji sağlam mühitin yaranması ilə yanaşı, turizmin inkişafına da təsir edəcək. Bu kimi tədbirlərin bütün bölgələrimizdə keçirilməsini arzu edərdik”.
Cavidan Mirzəzadə
Demokrat.az
