Ağdərə, 15 avqust, Tahir Ağaməmmədov, AZƏRTAC
Mən bu kənddə doğulmuşam, burada böyümüşəm. Bu gün 16 yaşımda ikən tərk etdiyim doğma kəndimə qayıtmışam. Bu qayıdışı, keçirdiyim hissləri sözlə ifadə etmək mümkün deyil.
Bu sözləri AZƏRTAC-ın bölgə müxbirinə açıqlamasında Ağdərənin Vəngli kəndinə köç edən keçmiş məcburi köçkün İbrahim Quliyev deyib.
“Hamı sevinclidir, xoşbəxtdir. Bu günləri bizə yaşadan Prezidentimizə, Ordumuza minnətdaram”, - deyə keçmiş məcburi köçkün bildirib.
