Bu gün Bolqarıstanın Samokov şəhərində güləş üzrə U-20 dünya çempionatı başlayır.
İdman.biz -in məlumatına görə, ilk yarış günündə Azərbaycanın 4 sərbəst güləşçisi gücünü sınayacaq.
70 kq çəkidə Nurlan Ağazadə qırğızıstanlı Zalkarbek Tabaldiyevlə qarşılaşacaq.
74 kq çəkidə Ağanəzər Novruzov UWW-nin neytral statusunda çıxış edən İsmayıl Xaniyevlə görüşəcək.
97 kq çəkidə Rəvan Musayev bolqarıstanlı Andriyan Vılkanovla, 125 kq çəkidə isə Yusif Dursunov gürcü Aleksandre Abramişvili ilə üz-üzə olacaq.
İdman.biz
