Avropanın iki ölkəsi müharibə astanasındadır – Betts

  “Avropa vətəndaş müharibəsinin astanasına çata bilər”.

Referans  xəbər verir ki, bunu London Kral Kollecinin professoru Devid Betts deyib.

O bu ehtimalı 95 faiz olaraq qiymətləndirib:

“Xüsusilə Birləşmiş Krallıq və Fransada vəziyyət daha təhlükəli xarakter ala bilər. Bəzi iri şəhərlərdə hökumətin qanunlara nəzarət qabiliyyəti zəifləyib və bu yerlər artıq “vəhşi təbiətin” qanunları ilə yaşayır.

 
Mümkün vətəndaş müharibəsinin səbəbləri arasında yüksək korrupsiya, sənayenin tənəzzülü, infrastrukturun köhnəlməsi və özəl mühafizə şirkətlərinin sayının artması var. Bir çox Qərb şəhərləri artıq buna uyğundur” .

Betts həmçinin şəhərlərlə kənd yerləri arasında dərinləşən parçalanmaya diqqət çəkib. Misal olaraq, o, Fransada 2024-cü il Avropa Parlamentinə seçkilərin nəticələrini göstərib: ölkədə 457 dairə Marin Le Penin rəhbərlik etdiyi “Milli Birlik” partiyasına səs verib, digər partiyalar isə cəmi 119 dairədə qalib gəlib. Sonuncular əsasən Paris və ətraf ərazilərdə cəmlənib./Globalinfo.az