“Sanderlend” fransalı futbolçu Nordi Mukieleni heyətinə qatıb.
QOL.az xəbər verir ki, bu barədə klubun mətbuat xidməti məlumat yayıb.
Sağ cinah müdafiəçisi klubla 4 illik müqavilə imzalayıb.
Jurnalist Ben Ceykobssun məlumatına görə, “Sanderlend” 27 yaşlı oyunçu üçün PSJ-yə 12 milyon avro ödəyib.
Nordi Mukiele 2022-ci ilin yayında “Leyptsiq”dən PSJ-yə keçmişdi. Paris klubunun heyətində o, bütün turnirlərdə 45 oyun keçirib, 4 qol ötürməsi ilə yadda qalıb. Son mövsümü isə icarə əsasında “Bayer”də keçirib.
Qeyd edək ki, ötən mövsümün yekununda “Sanderlend” Çempionşipdən Premyer Liqaya yüksəlib.
