ABŞ Prezidenti Donald Tramp və Volodimir Zelenski arasında bu gün keçiriləcək görüşün vaxtı müəyyənləşib.
Milli.Az xəbər verir ki, görüş Bakı vaxtı ilə saat 21:15-də başlaması nəzərdə tutulur.
Bu barədə Ağ Evin cədvəlində qeyd olunur. Məlumata əsasən, görüş bir saat davam edəcək.
Qeyd edək ki, D.Tramp və V.Zelenski arasında keçiriləcək görüşün əsas mövzusu Ukraynadakı münaqişənin həlli olacaq. Zelenskiyə Ağ Evdəki bu görüşdə bir sıra Avropa liderləri də qoşulacaq. Onların arasında Almaniya Kansleri Fridrix Merts, Fransa Prezidenti Emmanuel Makron, Finlandiya Prezidenti Aleksandr Stubb, İtaliyanın Baş naziri Corciya Meloni, Böyük Britaniyanın Baş naziri Kir Starmer və NATO-nun baş katibi Mark Rütte yer alır.
Prezident Volodimir Zelenski artıq ABŞ-yə səfər edib və Donald Trampla görüşə hazırlaşır.
Aysel Əkbər
Milli.Az
