Editor.az xəbər verir ki, beynəlxalq proqnozlara görə, 2025-ci ildə humanitar yardıma ehtiyacı olan insanların sayı 305 milyon nəfərə çatacaq ki, bu da 2015-ci illə müqayisədə demək olar ki, dörd dəfə çoxdur. O zaman humanitar yardım 77,9 milyon nəfərə lazım idi.
Artım əsasən genişmiqyaslı silahlı münaqişələr və iqlim dəyişikliyinin fəsadları — həddindən artıq istidən, quraqlıqdan və təbii fəlakətlərdən irəli gəlir. Meşə yanğınları, daşqınlar, torpaq sürüşmələri və qasırğalar cəmiyyətin həyatını pozur, maddi itkilərə səbəb olur və humanitar böhranları dərinləşdirir.
Vəziyyəti daha da gərginləşdirir 2023-cü il oktyabrın 7-dən bəri davam edən İsrailin Qazadakı müharibəsi, Sudan və Ukrayna-Rusiya münaqişələri, həmçinin Sahel ölkələri və Şərqi Afrikada baş verən silahlı toqquşmalar.
//Samir Qurbanov, Editor.az
