Sofi Lagut Fransanın Azərbaycandakı yeni səfiri təyin olunub.
Bizim.Media xəbər verir ki, bununla bağlı Fransa prezidenti Emmanuel Makron sərəncam imzalayıb. Həmçinin diplomat özünün “X” hesabında paylaşım edib.
O, paylaşımında Fransa–Azərbaycan münasibətlərini inkişaf etdirməyə hazır olduğunu bildirib:
“Fransaya, ölkəmizin maraqlarına və həmvətənlərimizə Azərbaycanda səfir kimi xidmət etmək mənim üçün böyük şərəfdir. Mən bu missiyanı Ann Buayonun yolunu davam etdirərək həyata keçirəcəyəm.
Fransanın Azərbaycandakı səfirliyi komandası ilə birlikdə ölkəmiz və Avropa İttifaqı üçün strateji əhəmiyyət daşıyan bu regionda Fransa–Azərbaycan münasibətlərini daha da inkişaf etdirmək fürsətini səbirsizliklə gözləyirəm. Tezliklə görüşənədək”.
Bizim.Media
