"Hazırda atamın nəşi Bakıdan Tovuz rayonuna aparılır".
Publika.az xəbər verir ki, bu barədə Teleqraf-a şair Məmməd İsmayılın qızı İntizar İsmayıl məlumat verib.
Mərhumun qızı atasının ürək çatışmazlığından vəfat etdiyini qeyd edib: "Mediada atamın ağciyər xərçəngindən dünyasını dəyişdiyi bildirilib, bu, düzgün məlumat deyil".
İntizar İsmayıl atasının iki dəfə Ankarada əməliyyat olunduğunu xatırladıb: "Bakıda kimyaterapiyalar qəbul edirdi. Bu ilin iyulunda xəstəliyi ağırlaşmağa başladı və xəstəxanada müalicə aldı. Beynində şiş vardı. Son iki gündə koma vəziyyətinə düşmüşdü, danışa bilmirdi. Amma arada bacılarımın adını çağırırmış".
