Yazını böyüt
Yazını kiçilt
Kanada Silahlı Qüvvələri beş hərbçinin nasist salamı verməsini əks etdirən videoqeydin yayımı faktını araşdırır.
Hafta.az xəbər verir ki, bu barədə CBC telekanalı məlumat verib. Kvebek əyalətində yerləşən 22-ci Kral Piyada Alayının videoya düşən hərbçiləri istintaq müddətində xidmətdən uzaqlaşdırılıblar. Müəyyən edilib ki, video 2023-cü ildə lentə alınıb, lakin Kanada Silahlı Qüvvələrinin komandanlığı bundan yalnız bu il, avqustun əvvəlində xəbər tutub.
Kanada Quru Qoşunlarının komandanı general-leytenant Maykl Rayt açıqlamasında bildirib ki, Silahlı Qüvvələrdə nifrətin təzahürü qətiyyən yolverilməzdir.
İstintaqın nəticələrinə əsasən, videogörüntülərə düşən hərbçilər intizam məsuliyyətinə cəlb oluna və ya ordudan xaric edilə bilərlər.
