23 iyul 2025-ci il tarixində Bakı Fond Birjasının (BFB) Listinq Komitəsinin qərarı ilə "ALPA" ASC-nin səhmlərin ticarətə buraxılması üçün “Ticarətə İcazə” qərarı verilmişdi.
"ALPA" ASC-nin abunə yazılışı 15 avqust 2025-ci il tarixindən başlayaraq 19 avqust 2025-ci il tarixinədək (3 iş günü) davam etmişdir. 200 min manatlıq səhmlərə 1 investor 1 sifariş təqdim edib.
Qeyd olunan səhmlərin abunə yazılışı üsulu ilə yerləşdirilməsi 20 avqust 2025-ci il tarixində Bakı Fond Birjasında yekunlaşmışdır.
Listinq qaydalarının 3.17.3 bəndində bildirilir ki, Emitent maliyyə hesabatlarını MHBS-nın tələblərinə uyğun hazırlamalı beynəlxalq audit şirkətləri tərəfindən ən azı son 1 (bir) ilin audit olunmuş maliyyə hesabatlarına malik olmalıdır. Emitent bu bəndə cavab vermədiyindən Qiymətli Kağızlar Listinqə alınmır.
Səhmlər üzrə məlumat aşağıdakı kimidir:
Emitentin adı: "ALPA" ASC
Dövlət qeydiyyat nömrəsi – İSİN: AZ1001026678
Səhmin növü və forması: Adi, adlı, sənədsiz səhm
Ticarət üsulu / forması: Kütləvi / Abunə yazılışı
Səhmlərin sayı: 80 ədəd
İlkin ticarət qiyməti: 2 500 AZN
Buraxılış həcmi: 200 000 AZN
Hərrac qiyməti: 2500 AZN
Reallaşdırılmış həcm: 200 000 AZN
Sifarişlərin ümumi həcmi (nominal qiymətlə): 200,000 AZN
İnvestor sayı: 1
Sifariş sayı: 1
Ticarətə buraxılma tarixi: 20.08.2025
Anderrayter: “Assist Finance İnvestisiya Şirkəti” ASC
