Millimizin üzvü "Sabah"da - rəsmi

“Sabah” basketbol klubu U-18 millimizin üzvü Hüseyn Qaflanovu heyətinə qatıb.

"Football-plus.az" xəbər verir ki, bu barədə Bakı təmsilçisinin mətbuat xidməti məlumat yayıb. Onunla "2+1" illik müqavilə imzalanıb.

Hüseyn Qaflanov Azərbaycan Basketbol Federasiyasının dəstəyi ilə bir müddət Litvanın Vilnüs şəhərində yerləşən "NBA school"da peşəkar məşqçilərin rəhbərliyi altında hazırlıq keçib. O eyni zamanda bir il ABŞ-nin Cənubi Kaliforniya Akademiyasında təhsil alıb.