Azərbaycanın quru sərhədlərinin açılması məsələsi yenidən aktuallaşıb...
Professor: “Korponavirusa yoluxma halları, artıq sərhədlərin açıq və bağlı olması ilə bağlı bir təhlükə təşkil etmir”.
“İnsanlar sərhədlərin açılmasını çox böyük səbirsizliklə gözləyirlər”.
Bu sözləri professor Adil Qeybulla quru sərhədlərinin açılması məsələsini Poliqon-a şərh edərkən qeyd edib.
Məlumdur ki, Azərbaycanın quru sərhədlərinin açılması məsələsi yenidən aktuallaşıb. İnsanlar quru sərhədlərin uzun illərdir ki, bağlı olmasından çox əziyyət çəkir, əlavə xərclərlə və poblemlərə üzləşirlər. Azərbaycandan fərqli olaraq demək olar ki, bütün ölkələr öz sərhədlərini açıblar. Artıq Azərbaycanda uzun müddətdir koronovirusa yoluxma da baş vermir.
Bu halda Azərbaycanda quru sərhədlərin bağlı saxlanılmasını nə ilə əlaqələndirmək olar və epidemioloji di cəhətdən sərhədlərin açılmamasına bir səbəb varmı?
Mövzunu Poliqon-nun əməkdaşı Tibb elmləri doktoru, professor Adil Qeybulla ilə müzakirə edib.
Adil Qeybulla: “Hesab edirəm ki, sərhədlərin açılması ilə bağlı artır hansısa gizli məqsədlər yoxdursa, qərar vermək mümkündür”.
Bu məsələnin artıq dövlətin qərarından asılı olduğunu vurğulayan professor Poliqon-a açıqlamasında qeyd dib ki, sərhədlərinbağlı saxlanılması üçün bəlkə də, hansısa digər, bizə məlum olmayan başqa amillər var:
“Əlbəttə, quru sərhədlərin açılmasını hamı arzulayır. Çünki ən azı bizim xeyli soydaşlarımız əslən Gürcüstanda, Gürcüstanın Borçalı əyalətində yaşayır. İnsanlar həmin yerlərə maşınla, qatarla və digər vasitələrlə getmək istəyirlər. Türkiyə, İran və Rusiya ilə bağlı da eyni vəziyyətdir. Türkiyəyə gedən soydaşlarımız, orada təhsil alan tələbələr də sərhədlərin bağlı olmasından əziyyət çəkirlər.
Digər tərəfdən də, hesab edirəm ki, sərhədlərin açılması ilə bağlı artır hansısa gizli məqsədlər yoxdursa, qərar vermək mümkündür. Əlbəttə, pandenemiya başa çatsa da, dünyanın hər yerində koronavirusa yoluxma halları davam edir. Amma koronavirusa yoluxma halları, artıq sərhədlərin açıq və bağlı olması ilə bağlı bir təhlükə təşkil etmir.
Buna görə də, bu məsələ artıq dövlətin qərarından asılıdır. Bəlkə də, sərhədlərin bağlı qalması üçün hansısa digər, bizə məlum olmayan başqa amillər var. Bunu deyə bilmərəm. Amma hər halda hesab edirəm ki, insanlar sərhədlərin açılmasını çox böyük səbirsizliklə gözləyirlər”.
Nərminə UMUDLU
Poliqon.info
