Türkiyədə 2024-cü ildə uşaqların cinayətlərə qarışma hallarında ciddi artım müşahidə olunub.
AzEdu.az xəbər verir ki, Türkiyə Statistika İnstitutu (TÜİK) tərəfindən açıqlanan məlumatlara görə, təhlükəsizlik orqanlarına gətirilən uşaqların sayı 612.651 nəfərə çatıb.
Bu uşaqların 202.785-i müxtəlif cinayət hadisələrində şübhəli bilinib. Ən çox rastlanan cinayətlər arasında yaralama (40,4%), oğurluq (16,6%) və narkotik maddələrin istifadəsi və ya satışı (8,2%) yer alır. Ekspertlər bu artımın səbəbləri arasında yoxsulluq, ailə içi zorakılıq, təhsil boşluqları və sosial nəzarətin yetərsizliyini göstərirlər.
Mütəxəssislər vurğulayır ki, uşaqların cinayətlərə qarışmasının qarşısını almaq üçün həm hüquqi, həm də sosial tədbirlərin gücləndirilməsi vacibdir. Təhsil müəssisələri və dövlət orqanları arasında əməkdaşlıq artırılmalı, uşaqların inkişafı və qorunması üçün profilaktik proqramlar həyata keçirilməlidir.
Bu məlumatlar Türkiyədə uşaqların sosial vəziyyəti və təhlükəsizlik məsələlərinin izlənməsi baxımından əhəmiyyətli statistik göstərici hesab olunur.
