ain.az bildirir, Olke.az saytına əsaslanaraq.
Ermənistan 8 avqustda imzalanmış Vaşinqton Bəyannaməsinə uyğun olaraq Azərbaycanla nəqliyyat kommunikasiyalarının açılmasına fəal şəkildə hazırlaşır.
Ölkə.Az erməni KİV-ə istinadla xəbər verir ki, bunu Ermənistanın Ərazi idarəetmə və infrastruktur naziri David Xudatyan bəyan edib.
Onun sözlərinə görə, Ermənistan təkcə maraqlı deyil, həm də Azərbaycan və Türkiyə ilə iqtisadi əməkdaşlıq qurmağa hazırdır:
“Türkiyə, Ermənistan və Azərbaycan arasında iqtisadi əməkdaşlığa gəlincə, Ermənistan buna hazırdır və bunda maraqlıdır. Biz bu proqramın (TRIPP — Beynəlxalq sülh və rifah naminə Tramp marşrutu — Red.) həyata keçirilməsinə və Azərbaycanla nəqliyyat kommunikasiyalarının açılmasına 8 avqustda Vaşinqtonda qəbul olunmuş, Ermənistan Respublikasının baş naziri, Azərbaycan Prezidenti və ABŞ Prezidenti tərəfindən imzalanmış bəyannaməyə uyğun olaraq fəal şəkildə hazırlaşırıq”, — deyə nazir bildirib.
Xudatyan həmçinin Ermənistan və Türkiyə arasında Gümrü–Qars dəmir yolu əlaqəsinin yenidən açılmağa hazır olduğunu da vurğulayıb:
“Biz bunu ictimai şəkildə bəyan etmişik və hesab edirik ki, dəmir yolu əlaqəsinin açılması regional qarşılıqlı əlaqəni daha da möhkəmləndirəcək”, — deyə o qeyd edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
