UEFA Çempionlar Liqasının pley-off mərhələsinin “Qarabağ” - “Ferensvaroş” (Macarıstan) matçına böyük maraq var.
QOL.az saytının əldə etdiyi xəbərə görə, satışa çıxarıldığı 2 gün ərzində 30 minə yaxın bilet artıq satılıb.
Hazırda ən bahalı sayılan 300 manatlıq yerlərə daha çox yer qaldığı bildirilir.
Xatırladaq ki, “Qarabağ” “Ferensvaroş”a səfərdə ilk matçda 3:1 hesabı ilə qalib gəlib. Cütün qalibi Çempionlar Liqasının Liqa mərhələsinə vəsiqə qazanacaq.
Cavab oyunu avqustun 27-si, Tofiq Bəhramov adına Respublika Stadionunda keçiriləcək və yerli vaxtla saat 20:45-də başlanacaq.
