UEFA Çempionlar Liqasının pley-off mərhələsinin "Qarabağ" - "Ferentsvaroş" (Macarıstan) oyununa satılan bilet sayı açıqlanıb.
Senzor.az bildirir ki, “Qarabağ”ın mətbuat xidmətinin rəhbəri Anar Hacıyevin KİV-ə verdiyi məlumata görə, qarşılaşmaya 30 minə yaxın bilet satılıb.
Yaxın müddət ərzində biletlərin tükənəcəyi istisna edilmir.
Matç üçün bilet qiymətləri 5, 10, 20, 30, 75 və 100 manat təşkil edir.
VVIP C və VVIP D sektoru üçün nəzərdə tutulan biletlərin qiyməti isə 300 manatdır.
Qeyd edək ki, "Qarabağ" - "Ferentsvaroş" matçı avqustun 27-də, Tofiq Bəhramov adına Respublika stadionunda, saat 20:45-də start götürəcək. Səfərdə gerçəkləşən ilk oyunda Ağdam klubu qələbə qazanıb - 3:1.
