Rusiya və Ukrayna 146-nın 146-ya formatı üzrə hərbi qulluqçuların mübadiləsini həyata keçiriblər.
Oxu.Az xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, bundan əlavə, Kursk vilayətinin səkkiz sakini Rusiya tərəfinə təhvil verilib.
Rusiya hərbçilərinin Belarus ərazisində olduğu, onlara lazımi psixoloji və tibbi yardımın göstərildiyi bildirilir.
Nazirlik həmçinin Rusiya hərbçilərinin əsirlikdən qaytarılmasında BƏƏ-nin vasitəçilik səylərini qeyd edib.
