BAKI, 25 avqust. TELEQRAF
Almaniya vitse-kansleri və maliyyə naziri Lars Klinqbeyl gözlənilməz səfərlə Kiyevə (Ukrayna) gəlib.
Teleqraf xəbər verir ki, bu barədə DPA agentliyi məlumat yayıb.
“Kanslerlə (Fridrix Merts) sıx koordinasiyada Almaniyanın mümkün sülh prosesində Ukraynaya ən yaxşı şəkildə necə dəstək verə biləcəyini müzakirə etmək niyyətindəyəm”, - o, Ukraynanın paytaxtına gələrkən jurnalistlərə deyib.
Klinqbeylin sözlərinə görə, Ukraynada uzunmüddətli sülhü təmin etmək üçün etibarlı təhlükəsizlik təminatları lazımdır:
“Biz beynəlxalq səviyyədə fəaliyyətlərimizi yaxından əlaqələndiririk. Almaniya üzərinə düşən məsuliyyəti yerinə yetirəcək”.
Vitse-kansler Kiyevdə Ukrayna Prezidenti Volodimir Zelenski və Ali Rada üzvləri, həmçinin vətəndaş cəmiyyətinin nümayəndələri ilə danışıqlar aparacaq.
