Azvision saytından verilən məlumata əsasən, ain.az məlumatı açıqlayır.
AzVision.az “RBK” agentliyinə istinadən xəbər verir ki, məlumatların toplanmasında məqsəd bu ilin sentyabrında Rusiya ilə gözlənilən maliyyə məlumatlarının ilk avtomatik mübadiləsinə hazırlaşmaqdır. Bu o deməkdir ki, Rusiya Federal Vergi Xidməti (RFVX) rusların Ermənistandakı aktivləri haqqında məlumatları görəcək. “Maliyyə qurumları yerli tənzimləyicilərdən sorğu alır. Məlumat təqdim edilmədikdə hesabın xidməti dayandırılır”, - Ermənistanın maliyyə bazarındakı “Frank Media” şirkətinin təmsilçisi bildirib. “NSV Consulting” şirkətinin idarəedici partnyoru Sergey Nazarkin Ermənistanı “postsovet məkanında ruslar arasında xarici hesabların açılması üçün ən populyar yurisdiksiya” adlandırır. Onun sözlərinə görə, bunlar təkcə bank hesabları deyil, həm də broker hesablarıdır, çünki “ruslar qiymətli kağızların ticarəti üçün Ermənistan infrastrukturundan istifadə edirlər”. Maliyyə mübadiləsi İqtisadi Əməkdaşlıq və İnkişaf Təşkilatı (İƏİT) standartına uyğun olaraq həyata keçirilir. Ermənistan hələ 2023-cü ilin sentyabrında Vergi Müqaviləsi ilə əlaqədar tədbirlərin həyata keçirilməsinə dair Konvensiyanı ratifikasiya edib. Eyni zamanda, Ermənistan 2025-ci ilin sentyabr ayına qədər maliyyə məlumatlarının avtomatik mübadiləsini həyata keçirməyi öhdəsinə götürüb. İrəvan ildə bir dəfə təxminən 120 ölkə ilə bank müştərilərinin maliyyə hesablarını mübadilə edəcək. Sahil İsgəndərov
AzVision.az
Daha ətraflı məlumat və yeniliklər üçün ain.az saytını izləyin.
