ain.az bildirir, GlobalInfo portalına istinadən.
Bu gün Azərbaycanın Birinci vitse-prezidenti Mehriban Əliyevanın doğum günüdür.
Globalinfo.az bu münasibətlə Mehriban Əliyeva haqqında dünyanın nüfuzlu nəşrlərində müxtəlif vaxtlarda yayımlanmış fikirlərdən bəzilərini təqdim edir:
Dünyaca məşhur “The Washington Times” qəzetində Mehriban Əliyevanın fəaliyyətindən bəhs edən yazıda sadəliyinə, səmimiyyətinə və nəcibliyinə diqqət çəkilib. Onun müsəlman qadınlar üçün nümunəvi obraz olduğu vurğulanıb.
İtaliyanın “L’Opinione” nəşri yazır ki, Azərbaycan xalqının sevimlisi Mehriban Əliyeva ölkənin ictimai-siyasi həyatında mühüm rol oynayıb. Bildirilir ki, o, yüksək intellektini hər zaman öz xalqının, xüsusilə də qadınların rifahına həsr edib. Məqalədə Mehriban Əliyevanın ixtisasca həkim olması da diqqətə çatdırılıb.
Brüsseldə nəşr olunan “Diplomatic World” jurnalında Mehriban Əliyeva “Azərbaycanın müasir tarixinin böyük qadını” kimi təqdim olunub.
Həmçinin oxuyun:
Bu gün Mehriban Əliyevanın doğum günüdür
Çində və xaricdə çoxsaylı oxucusu olan ingilisdilli “China Daily” qəzeti “Mehriban Əliyevanın yorulmaz fəaliyyəti Azərbaycan xalqının dərin hörmət və məhəbbətini qazanıb” sərlövhəli məqalə yayıb. Ümumilikdə 100 milyondan çox abunəçisi olan nəşrdə Mehriban Əliyevanın çoxşaxəli fəaliyyətindən, xeyirxah əməllərindən, ölkəsinin, onun mədəniyyətinin dünyada tanıdılması istiqamətindəki işlərindən söz açılıb. Bildirilib ki, o, Prezident İlham Əliyevlə çiyin-çiyinə ölkənin tərəqqisi üçün səylə çalışır. Azərbaycanı beynəlxalq aləmdə sidq-ürəkdən təbliğ edən, siyasəti mərhəmət və şəfqət kimi bəşəri dəyərlərlə zənginləşdirən, hər bir sahədə xoş məramı ilə fərqlənən Mehriban Əliyeva Vətəninin tərəqqisinə xidmət edir, ölkəsinin mədəniyyətinin, təhsilinin, səhiyyəsinin, idmanının inkişafına çalışır, sabahının qayğısına qalır.
“HorraPress”: “Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva ölkənin xaricdə populyarlaşmasına, habelə sosial siyasətin həyata keçirilməsinə, elmin, təhsilin, mədəniyyətin və idmanın inkişafına mühüm töhfələr verir. Mehriban Əliyevanın təşəbbüsü ilə həyata keçirilən layihələr milli dəyərlərin qorunub saxlanmasına və möhkəmlənməsinə, humanizm prinsiplərinin təbliğinə yönəlib”.
Ərəb dünyasında nüfuzlu “Əl-Mənərə” jurnalında Mehriban Əliyevanın çoxşaxəli fəaliyyəti haqqında məqalə dərc edilib. Onun ziyalı ailədən olduğu vurğulanıb. Ziyalı ailə mühitinin Mehriban Əliyevada mərhəmət, xeyirxahlıq, insan sevgisi kimi nəcib hisslərin, o cümlədən incəsənətə marağın əsasını təşkil edən dünyagörüşünün formalaşmasına təsiri barədə söhbət açılıb. Azərbaycanın birinci xanımının həm milli, həm qlobal səviyyələrdə gördüyü işlər barədə məlumat verilib, həmin işlərin onun haqqında mütərəqqi müsəlman qadını imicini yaratdığı vurğulanıb.
Nüfuzlu “Vyetnam qadını” jurnalı Mehriban Əliyevanın bu ölkəyə səfərini “2014-cü ilin ən nüfuzlu xanımının Vyetnama səfəri” sərlövhəsi ilə təqdim edib. Dünyanın 135 ölkəsinə yayılan jurnalda Mehriban Əliyevanın Azərbaycanın ictimai-siyasi və mədəni həyatındakı rolundan bəhs olunur:
Küveytin geniş oxucu kütləsinə malik “Əl-Nahar” qəzetində Azərbaycanın birinci xanımı, Heydər Əliyev Fondunun prezidenti Mehriban Əliyeva haqqında geniş məqalə dərc olunub. Məqalədə Mehriban Əliyevanın həyatı, milli-mənəvi irsimizin qorunub saxlanılmasında və dünyada təbliğində rolu, Azərbaycanda və ölkə xaricində nəcib xeyriyyəçilik fəaliyyəti, elmə, təhsilə, səhiyyəyə, idmana və cəmiyyətin inkişafı üçün stimul yaradan digər mühüm sahələrə göstərdiyi diqqət və qayğı barədə ətraflı məlumat verib.
Globalinfo.az kollektivi olaraq Azərbaycanın Birinci vitse-prezidenti Mehriban Əliyevanı doğum günü münasibətilə təbrik edirik.
Hadisənin gedişatını izləmək üçün ain.az saytında ən son yeniliklərə baxın.
