ain.az bildirir, Avtosfer saytına əsaslanaraq.
Şəmkir rayonu, Morul kəndində zəncirvari yol-nəqliyyat hadisəsi baş verib.
Avtosfer.az-ın məlumatına görə, hadisə avqustun 24-də axşam saatlarında qeydə alınıb. Belə ki, hərəkətdə olan “VAZ-2107” markalı, 2 ədəd “Opel” markalı, “VAZ-21011” markalı, “Qazel” markalı və “VAZ-21099” markalı avtomobillər toqquşub. Şahidlərin iddiasına əsasən, qəzaya səbəb yüksək sürət həddi olub. Hadisə nəticəsində nəqliyyat vasitələrinə maddi ziyan dəyib, “VAZ-2107” markalı avtomobilin qadın sürücüsü şoka düşüb. Xoşbəxtlikdən qəza zamanı xəsarət alan olmayıb.
Qeyd edək ki, “VAZ-2107” markalı avtomobili idarə edən sürücünün Vətən müharibəsində şəhidlik zirvəsinə ucalan Vüqar Rüstəmovun həyat yoldaşı olduğu iddia edilib.
Faktla bağlı araşdırma davam edir.
Nərmin
Daha ətraflı məlumat və yeniliklər üçün ain.az saytını izləyin.
