Sentyabrın 3-də Pekində keçiriləcək Çin xalqının Yaponya qarşı müqavimət müharibəsində və İkinci Dünya Müharibəsində qazandığı qələbənin 80 illiyinə həsr olunmuş hərbi paradda 26 ölkənin lideri iştirak edəcək.
Sentyabrın 3-də Pekində keçiriləcək Çin xalqının yapon işğalçılarına qarşı müqavimət müharibəsində və İkinci Dünya Müharibəsində qazandığı qələbənin 80 illiyinə həsr olunmuş hərbi paradda 26 ölkənin lideri iştirak edəcək.
APA xəbər verir ki, bu barədə Çinin Mərkəzi Televiziyası məlumat verib.
Məlumata görə, onların arasında Rusiya prezidenti Vladimir Putin, Şimali Koreya lideri Kim Çen İn, Belarus, Qazaxıstan, Tacikistan, Özbəkistan, Qırğızıstan, Türkmənistan, Monqolustan, Vyetnam, İndoneziya və digər ölkələrin başçıları var.
Bayram tədbirlərində həmçinin Ermənistan, Pakistan, Malayziya, Slovakiya və digər ölkələrin baş nazirləri iştirak edəcəklər. Dəvət olunanlar arasında Kamboca kralı, Laos Xalq İnqilabi Partiyasının baş katibi, Kuba Kommunist Partiyası Mərkəzi Komitəsinin birinci katibi, Myanmanın müvəqqəti prezidenti də var.
Pekinin Tyananmen meydanında 45 hərbi bölmənin iştirakı ilə keçiriləcək hərbi parad 70 dəqiqə davam edəcək.
