BAKI, 28 avqust. TELEQRAF
Sabah Bərdənin 16 kəndi və 2 qəsəbəsinin qaz təchizatında fasilə yaranacaq.
Bu barədə Teleqraf-a "Azəriqaz" İstehsalat Birliyindən məlumat verilib.
“Bərdə” Qaz Tənzimləyici Məntəqədə (QTM) toztutucu filterin təftiş edilməsi ilə bağlı qazın nəqlinin dayandırılması zəruriyyəti ilə əlaqədar sabah saat 11:00-dan etibarən işlər başa çatanadək məntəqədən “Mehdixanlı” ölçü qovşağından Bərdə rayonunun 16 kəndi və 2 qəsəbəsində 3909 abonentin qaz təchizatı dayandırılacaq.
Qurum vətəndaşlardan təbii qaz verilişinin dayandırıldığı müddət ərzində qaz təchizatı avadanlıqlarını nəzarətdə saxlamağı və təhlükəsizlik tədbirlərinə riayət etməyi xahiş edib.
