Futzal üzrə Azərbaycan çempionu “Araz-Naxçıvan” bu gün UEFA Çempionlar Liqasının ilkin mərhələsində növbəti oyununu keçirib.
Arena.az xəbər verir ki, “qırmızı-ağlar” bu dəfə Şotlandiya çempionu ilə üz-üzə gəliblər.
Baş məşqçi Yevgeni Kukseviç bu dəfə fərqli “5-lik”də mübraizəyə start verib. Düzdür, 1-ci dəqiqə tamam olmamış rəqib hesabı açıb. Amma fasiləyə qədər komandamız 6 dəfə onları meydanın mərkəzinə dəvət edib. Fasilədən sonra tam üstünlüyə sahib olan “Araz-Naxçıvan” hesab arasındakı fərqi qorumaqla növbəti böyükhesablı qələbəsini qazanıb.
Təmsilçimiz qrupda sonuncu oyununu “Lyuti Krayişniçi”yə qarşı keçirəcək. Avstriya çempionu ilə görüş avqustun 30-da baş tutacaq. Bu oyuna saat 21:30-da start veriləcək.
UEFA Çempionlar Liqası
28 avqust
Saltires – Araz-Naxçıvan 2:7
Qollar: Qavin Ritçi, 0:56. Pol Simpson, 30:01 – Jan Perruzo, 5:44; 10:44. Aleks Rezende, 11:12; 27:26. Karlos Bertula, 13:19. Luici Lonqo, 17:11; 19:23.
Hakimlər: Vladimir Sebek, Qonsalo Felipe Santos Duarte, Aleksandar Vangelov (Bolqarıstan).
Linz. NMS İdman Sarayı. Saat 19:00.
Saltires: 1. Konor Dou (q), 2. Kayl Bellingell (k), 5. Kami Bell, 7. Qavin Ritçi, 10. Skott Smiz, 16. Robert Blək, 4. Skott Bellingell, 8. Pol Simpson, 9. Stefen Lauri, 11. Ahmed Alulu, 12. Ross Luke Kameron, 14. Kodi Bateman, 15. Kiran Cud Forber.
Baş məşqçi: Skott Bellingell.
Araz-Naxçıvan: 1. Emin Kürdov (k), 7. Xəzər Ağalızadə, 8. Ülvi Əliyev, 29. Luici Lonqo, 49. Valerio Covanni, 12. Rövşən Hüseynli, 3. Qüdrət Qasımzadə, 6. Mirzə Əmirov, 9. Aleks Rezende, 10. Jan Perruzo, 15. Aleks Teyşeyra, 20. Ədalət Ələkbərov, 21. Filipinyo, 98. Karlos Bertula.
Baş məşqçi: Yevgeni Kukseviç.
