Bakı, 29 avqust, AZƏRTAC
Gələn mövsümdən “McLaren” komandasının baş sponsoru olacaq. Bu, tanınmış maliyyə korporasiyası olan “Mastercard”dır.
AZƏRTAC xəbər verir ki, “McLaren” və “Mastercard” ötən ildən əməkdaşlıq edirlər. 2026-cı ildə maliyyə şirkəti komandanın baş sponsoru statusunu alacaq. Komandanın rəsmi adı “McLaren Mastercard Formula 1 Team” olacaq.
Məlumata görə, “Mastercard” hər il “McLaren”in büdcəsinə 100 milyon dollar yatıracaq. Bu, “Formula-1”də ən böyük sponsorluq müqavilələrindən biridir və “McLaren” üçün tarixdəki ən böyük sponsor razılaşmasıdır.
Qeyd edək ki, McLaren-in sonuncu baş sponsoru 2013-cü ildə “Vodafone” telekommunikasiya şirkəti olub.
