Şamaxı şəhərində keçirilən COP29 İqlim Dəyişmələri üzrə ikinci Yay Düşərgəsinin üçüncü günü başa çatıb.
QHT.az xəbər verir ki, əvvəlcə CEE (Centre for Environment Education) tərəfindən “Yeddi addım metodologiyasına giriş – interaktiv fəaliyyətlərdən istifadə etməklə layihə-əsaslı təhsil yanaşması” mövzusunda təlim sessiyası keçirilib, məktəblərdə mövcud təcrübələrin paylaşılması və “bütün məktəb yanaşması”na çevirmək üsulları müzakirə edilib. Sonra şagird liderlərin hazırlanması ilə bağlı enercayzer təşkil edilib. Ardınca düşərgə iştirakçıları qruplara bölünərək layihələrini hazırlayıb təqdimat ediblər.
Daha sonra məktəb-icma əməkdaşlığının qurulması mövzusunda təlim sessiyası davam edib, “İqlimə hazır məktəblər” vizyon cədvəlləri qruplarda nəzərdən keçirilib.
Günün sonunda düşərgə iştirakçılarının Şamaxı Rəsədxanasına ziyarəti təşkil edilib.
