Özcan Dənizin evinə silahlı basqın: "Məndən oğurladıqlarını qaytarmasan..."

  Özcan Dənizin qardaşı Ercan Dəniz maddi mübahisə zəminində onun Zekeriyaköydəki evinə silahlı basqın edib.

Referans  xəbər verir ki, "Haber Global"-ın məlumatına görə, uzun müddətdir ailədaxili maliyyə məsələlərinə görə davam edən gərginlik protokol imzalanmadan yenidən alovlanıb. İddialara görə, Ercan Dəniz qardaşını silahla hədələyərək:
"Məndən oğurladıqlarını qaytarmasan, həm səni, həm də özümü öldürəcəyəm" - deyib.

Qeyd edək ki, Özcan Dənizin anası Kadriye Dəniz və böyük qardaşı ilə münasibətlərindəki problemlər uzun müddətdir gündəmdədir. Bir müddət əvvəl yaşadığı stress səbəbindən ürəyində problem yaranan sənətçi xəstəxanaya yerləşdirilmiş və anjioqramma olunmuşdu. O vaxtdan etibarən Özcan Dəniz "Mənim tək ailəm oğlum Kuzey və həyat yoldaşım Samar Dadgardır" deyərək ailə mövzusunda danışmamaq qərarını açıqlamışdı.İddialara görə, gərginliyin kökündə illər əvvəl Ercan Dənizin götürdüyü kreditlər dayanır. Özcan Dəniz həmin borclara zamin olub, lakin ödənişlər edilmədiyi üçün sənətçinin varidatı satılıb və hesablarına həbs qoyulub.