ain.az, Avtosfer saytına istinadən bildirir.
"Növbəti illər üçün yeni qatarların alınması Azərbaycan Prezidentinin təsdiq etdiyi Dövlət proqramına əsasən, yeni stansiyaların inşası ilə yanaşı yeni vaqonların alınması da nəzərdə tutulub. 2030-cu ilə qədər olan dövrdə 299 yeni nəsil vaqonun alınaraq metropoliten xətlərinə buraxılması nəzərdə tutulub".
Avtosfer.az xəbər verir ki, bu fikirləri jurnalistlərə açıqlamasında "Bakı Metropoliteni" QSC-nin sədrinin müşaviri Emil Əhmədov deyib.
O bildirib ki, hazırda bu istiqamətdə planlı işlər davam etdirilir:
"Əvvəlki dövrlərdə dünyanın aparıcı istehsalçıları ilə keçirilən görüşlər və müzakirələr barədə məlumatlar yayılmışdı. Bu xüsusda "Şkoda", "Ştadler" şirkətləri, Çin istehsalçısı - CRRC qeyd oluna bilər. Bu, sadəcə, masa arxasında keçən görüşlər deyil. Texniki, maliyyə, istifadə oдunan materiallarla keyfiyyət, istehsal və istismar müddətləri, hətta daha sonrakı dövrdə xidmətin göstərilməsi, ehtiyat hissələr və s. mürəkkəb məsələlər bunun tərkib hissəsidir. Bu məsələlər və şərtlərə əməl olunması üçün istehsalçıların imkanları araşdırılıb. Ümumi fikirlərimiz formalaşıb və yaxın gələcəkdə konkret addımlara keçiləcək".
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
