ain.az bildirir, Qafqazinfo portalına istinadən.
Beynəlxalq Qızıl Xaç Komitəsi (BQXK) sentyabrın 3-ü Bakıdakı ofisini bağlayacaq.
“Qafqazinfo” “Sputnik Ermənistan”a istinadən xəbər verir ki, bu barədə BQXK-nın Ermənistandakı nümayəndəliyinin rəhbəri Dafne Mare jurnalistlərə açıqlamasında bildirib.
Marenin sözlərinə görə, bununla belə, Azərbaycan rəhbərliyi ilə iş davam etdiriləcək və bu istiqamətdə müzakirələr davam edir.
O xatırladıb ki, Ermənistanla Azərbaycan arasında sülh sazişinin mətnində itkin düşənlərin taleyinin araşdırılması üçün beynəlxalq strukturlarla işin zərurəti qeyd olunub: “BQXK neytral təşkilat olaraq öz xidmətlərini təklif etməyə davam edəcək”.
Xatırladaq ki, bir müddət əvvəl BQXK-nın Azərbaycandakı Nümayəndəliyinin ölkəmizdə fəaliyyətini dayandırması ilə bağlı məlumat yayılmışdı.
Ən son xəbərləri və yenilikləri almaq üçün ain.az saytını izləyin.
