Ukraynadakı müharibə zamanı 15 mindən çox dinc sakin həlak olub, 34 mindən çox insan isə yaralanıb.
Yeniavaz.com xəbər verir ki, bu barədə Ukraynanın baş prokuroru Ruslan Kravçenkonun təqdim etdiyi hesabatda bildirilir.
Qeyd olunub ki, bu müddətdə 237 min mülki infrastruktur dağıdılıb və ya zədələnib.
BMT-nin İnsan Haqları üzrə Ali Komissarlığının sonuncu məlumatlarına görə, 2022-ci il fevralın 24-dən Rusiyanın Ukraynaya genişmiqyaslı işğalından sonra gedən döyüşlərdə 13 min 833 nəfər həlak olub, 35 min 548 mülki şəxs yaralanıb.
Qeyd edək ki, Rusiya ordusu mütəmadi olaraq müxtəlif növ silahlarla Ukrayna bölgələrinə hücumlar təşkil edir. Rusiya hökuməti mülki obyektləri qəsdən bombaladığını inkar edir.