Rusiya prezidenti Vladimir Putin Təhlükəsizlik Şurasının daimi üzvləri ilə MDB-də aparılan işlərlə bağlı iclas keçirib.
Bakues.az xəbər verir ki, bu barədə Kremlin mətbuat xidməti açıqlayıb.
“Bu gün biz siyasətimizin ən mühüm istiqamətlərindən birini – MDB ölkələri ilə əməkdaşlığı müzakirə edəcəyik. Söhbət bir sıra MDB ölkələri ilə aparılan işlərdən və bu istiqamətdə prioritet məsələlərdən gedir”, – Rusiya prezidenti qeyd edib.
Putinin sözlərinə görə, iclasda Rusiyanın bu strateji əhəmiyyətli regionda atacağı addımlar və hədəfləri müzakirə olunacaq.
Qeyd edək ki, oktyabrın 10-da Düşənbədə MDB-yə üzv dövlətlərin başçılarının sammiti, ondan əvvəl isə MDB ölkələrinin Xarici İşlər Nazirləri Şurasının iclası keçiriləcək.
