Rusiya Prezidenti Vladimir Putinin Türkiyə Prezidenti Rəcəb Tayyib Ərdoğanla görüşü nəzərdə tutulub.
Bu haqda Rusiya Prezidentinin köməkçisi Yuri Uşakov bildirib.
Onun sözlərinə görə, Şanxay Əməkdaşlıq Təşkilatının (ŞƏT) sammiti çərçivəsində 1 sentyabrda Vladimir Putin Türkiyə Prezidenti Rəcəb Tayyib Ərdoğanla görüşəcək və Ukrayna ilə Yaxın Şərqdəki nizamlanma məsələlərini müzakirə edəcəklər.
Həmçinin Putinin Hindistana dekabr ayında gözlənilən səfəri barədə Baş nazir Narendra Modi ilə görüşü planlaşdırılıb.
Uşakov qeyd edib ki, Pekin şəhərində Putinlə Azərbaycan Prezidenti İlham Əliyev arasında xüsusi görüş barədə razılaşma yoxdur, lakin hər şey mümkündür.
Uşakov onu da qeyd edib ki, Putin İran Prezidenti Pezeşkianla ikitərəfli görüş keçirəcək və İranın nüvə proqramı müzakirə olunacaq.
