Dağıstan Respublikasında yanacaqdoldurma məntəqəsində partlayış baş verib.
Bakıvaxtı.az xəbər verir ki, bu barədə "Readovka" "Telegram" kanalı məlumat yayıb.
Hazırda hadisə yerində güclü yanğın müşahidə olunur və yerli sakinlər yanacaqdoldurma məntəqəsindən uzaqlaşırlar. Bəziləri alovu öz gücləri ilə söndürməyə çalışır.
Partlayışın səbəbi və xəsarət alanların olub-olmadığı hələlik məlum deyil. Lakin yerli sakinlər iki yaralının olduğunu bildirirlər.
