ABŞ administrasiyası Ukraynaya ERAM tipli minlərlə qanadlı raketin satışına razılıq verib.
Editor.az xəbər verir ki, CNN-in diplomatik mənbələrə istinadən yaydığı məlumata görə, raketlərin ilk partiyasının bu ilin sonunadək Kiyevə çatdırılması gözlənilir.
Məlumatda bildirilir ki, Vaşinqton Ukraynaya 3 mindən artıq raketin satışını təsdiqləyib. Bu silahların uçuş məsafəsinin 400 kilometrdən çox olduğu qeyd olunur.
Qərarın, ABŞ-ın Rusiya ilə Ukrayna arasında sülh razılaşmasına nail olmaq cəhdlərinin uğursuzluğa düçar olduğu bir vaxtda qəbul edildiyi vurğulanır.
Xatırladaq ki, Tramp administrasiyası bundan əvvəl Ukraynaya əsasən mövcud hərbi texnikanın saxlanması və xidmətinə dair dəstək paketləri təqdim etmişdi. ERAM raketlərinin satışı isə Tramp dövründə Ukraynaya edilən ilk böyük əlavə silah müqaviləsi hesab olunur.
//Samir Qurbanov, Editor.az
