Masallı rayonunun Qasımlı kəndi ərazisində yerləşən fermalardan birində 41 yaşlı kişini elektrik cərəyanı vuraraq öldürüb.
Xezerxeber.az-ın məlumatına görə, ötən axşam 1-ci Yeddioymaq kənd sakini 41 yaşlı Rəşad Əsgərovu elektrik cərəyanı vurub.
Nəticədə o aldığı xəsarətlərdən hadisə yerində ölüb. Yaxınlarının sözlərinə görə, elektrik cərəyanı Rəşad Əsgərov özünə məxsus fermanın ətrafında iş görərkən vurub.
Hadisə yerinə hüquq-mühafizə orqanlarının əməkdaşları cəlb olunub. Meyit ərazidən götürülərək, daxili və xarici müayinə olunması üçün Mərkəzi Tibbi Ekspertiza və Patoloji Anatomiya Birliyinin Masallı rayon şöbəsinə təhvil verilib.
Faktla bağlı araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir.
