Ermənistanda hüquq-mühafizə orqanları bir sıra hakimlərin ev və iş otaqlarında axtarışlar aparıblar.
"Unikal" xəbər verir ki, bu barədə erməni mətbuatı yayıb.
Ermənistan Anti-Korrupsiya Komitəsindən verilən məlumata görə, ölkədə bir sıra hakimlərin ev və iş otaqlarında axtarışlar həyata keçirilib. Bu tədbirlər iri miqyasda rüşvət alınması faktı ilə bağlı açılmış cinayət işi çərçivəsində aparılıb.
Hadisə nəticəsində bir sıra şəxslər, o cümlədən vəkil saxlanılıb. Hüquq-mühafizə orqanlarının açıqlamasına görə, bu əməliyyatlar Ermənistan məhkəmə sistemində korrupsiyaya qarşı davam edən mübarizənin bir hissəsidir.
