ABŞ Prezidenti Donald Tramp keçmiş vitse-prezident və onun seçkilərdəki rəqibi Kamala Harrisi hökumətin müdafiəsindən məhrum edib.
Yeniavaz.com xəbər verir ki, bu barədə CNN məlumat yayıb.
Qanuna görə, keçmiş vitse-prezident altı ay müddətinə Məxfi Xidmətin mühafizəsi hüququna malikdir - Harris üçün bu müddət iyulun 21-də başa çatıb. Bununla belə, səlahiyyət müddətinin bitməsinə az qalmış Co Bayden Harrisin müdafiəsini daha bir il uzadıb.
Tramp yeni sərəncamı ilə Baydenin əvvəlki sərəncamını ləğv edib. Harrisin hökumət tərəfindən müdafiəsinin götürülməsi o deməkdir ki, o, artıq agentlər tərəfindən gecə-gündüz nəzarətə malik olmayacaq; Gizli Xidmət həmçinin potensial təhlükələr üçün onun sosial mediasını təhlil etməyi dayandıracaq.
