ain.az bildirir, Unikal.az saytına əsaslanaraq.
Ankara İsraillə bütün iqtisadi və ticarət münasibətlərini tamamilə dayandırıb, eyni zamanda İsrail təyyarələrinin ölkənin hava məkanına daxil olmasına qadağa qoyub.
"Unikal" xəbər verir ki, bu barədə Türkiyə xarici işlər naziri Hakan Fidan bəyan edib.
“Biz İsraillə ticarəti tamamilə dayandırdıq, Türkiyə gəmilərinin İsrail limanlarına daxil olmasına icazə verilmir. İsrail təyyarələrinin də bizim hava məkanımıza girməsi qadağandır. İsraillə ticarət əlaqələrini tamamilə kəsən başqa ölkə yoxdur”, – deyə Fidan Türkiyə parlamentinin fövqəladə iclasında bildirib.
Nazirin sözlərinə görə, İsrail Qəzzaya humanitar yardımın çatdırılmasına mane olur və “aclığı silah kimi istifadə edir”. Fidan vurğulayıb ki, İsrailin həyata keçirdiyi siyasət “dövlət terrorizmi”dir və Qəzzada “soyqırımı daha da dərinləşir”.
“The Jerusalem Post” yazır ki, Türkiyə hava məkanından istifadə yasağına görə İsraildən Gürcüstana, Azərbaycana və digər ölkələrə uçuşlar təxminən iki saat uzana bilər. Ekspertlərin fikrincə, real iqtisadi təsirlər isə daha sonra üzə çıxacaq.
İsraildə isə Ankaranın bu addımı hələlik skeptisizmlə qarşılanır. Rəsmi dairələr xatırladır ki, Türkiyə bundan əvvəl də oxşar bəyanatlar versə də, əlaqələr tam kəsilməmişdi.
Xatırladaq ki, ötən il Qəzzada müharibə fonunda Türkiyə İsraillə təxminən 7 milyard dollarlıq ticarəti dondurmuşdu. Son günlər isə Türkiyə limanları gəmi sahiblərindən İsraillə əlaqələrin və təhlükəli yüklərin ünvanının olmaması barədə zəmanət tələb etməyə başlayıb.
Məsələni daha da gərginləşdirən amillərdən biri də İsrailin baş naziri Benyamin Netanyahunun son açıqlaması olub. O, Osmanlı imperiyasında ermənilərə qarşı soyqırımını tanıdığını bəyan edib.
Daha ətraflı məlumat və yeniliklər üçün ain.az saytını izləyin.
