Baku.ws saytına istinadən ain.az xəbər verir.
Cari bazar dəyişkənliyi və Avropada istehlakçı davranışının dəyişməsi fonunda Azərbaycan Dövlət Neft Şirkəti (SOCAR) mövcud müqavilələrə yenidən baxılmasını və ya yenilərinin restrukturizasiyasını gözləmir.
BAKU.WS "Report"a istinadən xəbər verir ki, bunu SOCAR-ın vitse-prezidenti Əfqan İsayev "Euronews"a müsahibəsində deyib.
Onun sözlərinə görə, uzunmüddətli müqavilələr olmadan böyük infrastruktura və zəruri maliyyələşdirməyə (CAPEX) malik layihələr sadəcə olaraq mövcud ola və inkişaf edə bilməzdi.
"Cənub Qaz Dəhlizi"ni qeyd edə bilərik: bizim uzunmüddətli qaz müqavilələrimiz var və bu, maliyyələşdirmənin cəlb edilməsində həlledici amil olub. Bəli, əlbəttə ki, bəzən bazar dinamikasından və layihələrin növündən asılı olaraq, biz qısamüddətli və ya spot sövdələşmələrə girməyə hazır ola bilərik, lakin indiki mərhələdə biz mövcud offteyk-müqavilələrə yenidən baxmırıq və ya onları yenidən razılaşdırmırıq", - SOCAR-ın vitse-prezidenti bildirib.
Neft və qaza tələbatın gözləniləndən tez pik həddə çatması riskləri və şirkətin tələbatsız aktivləri üzrə risklərin nə qədər böyük olması ilə bağlı sualı cavablandıran Ə. İsayev qeyd edib ki, SOCAR 2050-ci ilə qədər belə bir ssenarini nəzərdə tutmayan OPEC-in proqnozları ilə razıdır.
"Bizdə lazımi infrastruktur var, məsələn boru kəmərləri. Bizim buradan İtaliyaya qədər uzanan Cənubi Qaz Dəhlizimiz var. Aralıq dənizinə gedən "Bakı-Tbilisi-Ceyhan" neft kəmərimiz var. Çox maraqlı tərəfdaşlar, yenilikçilərlə əməkdaşlığa başlamışıq. Məsələn, biometan istehsalı kimi aşağı karbonlu yanacaqları nəzərdən keçiririk. İkinci istiqamət ekoloji cəhətdən davamlı aviasiya yanacağıdır. Üçüncüsü sintetik metandır. Bundan əlavə, gəlin, neft-kimya məhsullarımıza baxaq. Nəyə əl atsanız, hər şeydə karbohidrogen var. Buna görə daha neft-kimya məhsullarına tələbatın azalmayacağına çox əminik", - şirkət nümayəndəsi bildirib.
Daha ətraflı məlumat və yeniliklər üçün ain.az saytını izləyin.
