Azertag portalından verilən məlumata görə, ain.az xəbər yayır.
Bakı, 29 avqust, AZƏRTAC
Futbol üzrə Misli Premyer Liqasında III tura start verilib.
AZƏRTAC xəbər verir ki, ilk oyun günündə 2 qarşılaşma keçirilib.
Günün ilk matçında çempionatın lideri “Sumqayıt” “Şamaxı”nı qəbul edib. Mehdi Hüseynzadə adına Sumqayıt şəhər stadionunda oynanılan görüş 1:1 hesablı heç-heçə ilə yekunlaşıb.
Hazırda “Sumqayıt” 7 xalla turnir cədvəlinə başçılıq edir. İki xalı olan “Şamaxı” 7-ci pillədə qərarlaşıb.
Digər qarşılaşmada isə “Neftçi” doğma meydanda “Turan Tovuz”a 0:1 hesabı ilə uduzub.
Tovuz təmsilçisi 6 xalla 2-ci, Bakı klubu isə 2 xalla 8-ci sırada yer alıb.
Turun digər oyunları avqustun 30-31-də keçiriləcək.
Sonrakı hadisələr barədə daha çox məlumat almaq üçün ain.az saytını izləyin.
