AZ
Mövzular
Digər
29.08.2025 ◦ 23:10

Zelenskidən AÇIQLAMA: Putinin əsl niyyəti...

Ajans.az xəbər verir ki, Ukrayna prezidenti Vladimir Zelenski Avropa İttifaqı (Aİ) Şurasının sədri Antonio Kosta ilə görüşündən sonra sosial şəbəkədə bəyanat yayıb. Ukrayna prezidenti Vladimir Zelenski Rusiyanın dünənki Kiyevə hücumunu şərh edərkən qeyd edib ki, dünən Rusiyanın Kiyevə hücumu nəticəsində 4-ü uşaq olmaqla 25 nəfərin ölüb, onlarla insanın yaralanıb.  Zelenski, Kostaya Ukrayna xalqına və yaxınlarını itirən ailələrə başsağlığına görə təşəkkür edib.  Hücumu “tamamilə alçaq” adlandıran Zelenski bildirib ki, bu, Rusiya prezidenti Vladimir Putinin əsl niyyətinin sülhə doğru addımlar atmaq deyil, öldürməyə davam etmək olduğunu nümayiş etdirir. Zelenski Ukraynanın liderlər səviyyəsində görüşə hazır olduğunu dəfələrlə bəyan etdiyini xatırladıb, lakin Rusiyadan belə bir siqnal almadıqlarını və buna görə də təzyiqə ehtiyac olduğunu qeyd edib. O, həmçinin AB-nin 19-cu sanksiya paketinin güclü olacağını gözlədiklərini vurğulayıb. Zelenski həmçinin qeyd edib ki, görüş zamanı təhlükəsizlik təminatlarının hazırlanması müzakirə olunub və üç komponentdən ibarət təminatlar üzərində iş gedir. O, bəyan edib ki, ən mühüm təminatlardan biri Ukraynanın Avropa İttifaqına üzv olmasıdır. O, Moldova ilə bu məsələdə tezliklə irəliləyiş gözlədiklərini bildirib.

© Materiallardan istifadə edərkən hiperlinklə istinad olunmalıdır.

Seçilən
31
23
Ajans.az

10Mənbələr