Azərbaycan çempionatında çıxış edən “Sabah”ın yarımmüdafiəçisi Umarali Rahmonaliyev Özbəkistanın U-23 millisinə dəvət alıb.
Arena.az xəbər verir ki, bu barədə paytaxt klubunun mətbuat xidməti məlumat yayıb.
22 yaşlı futbolçunun adı Özbəkistan millisinin U-23 Asiya Kubokunun seçmə mərhələsi çərçivəsində keçiriləcək Qırğızıstan, Şri Lanka və Fələstin yığmaları ilə matçlar üçün açıqlanmış heyətə daxil edilib. Özbəkistan U-23 yığması Şri Lanka ilə sentyabrın 3-də, Qırğızıstanla sentyabrın 6-da, Fələstinlə isə sentyabrın 9-da qarşılaşacaq.
Xatırladaq ki, Umarali Rahmonaliyev bu ilin yanvar ayından “Sabah”ın formasını geyinir.
