ain.az, Modern.az saytından verilən məlumata əsaslanaraq xəbər yayır.
32 ildən sonra Ağdam Dəmir Yolu stansiyasında - FOTOLAR
32 ildən sonra “Azərbaycan Dəmir Yolları” QSC Bakı–Ağdam–Bakı sərnişin qatarını sakinlərin istifadəsinə verib.
Avqustun 30-da ilk qatarın sərnişinləri arasında ziyalılar, yazıçılar, tanınmış şəxslər, media nümayəndələri və Ağdam sakinləri olub.
Ağdamın işğaldan azad olunmasından sonra ilk səfərin baş tutması alqışlarla qarşılanıb. Qonaqları Ağdam Dəmir Yolu və Avtovağzal kompleksində ictimaiyyət nümayəndələri qarşılayıb.
Həmçinin “Azərbaycan Dəmir Yolları” QSC-nin təşkilatçılığı ilə Bakı-Ağdam qatarının açılış mərasimi baş keçirilib. Bu tarixi günlə əlaqədar bir sıra tanınmış ictimaiyyət nümayəndəsi mərasimdə təəssüratlarını bölüşüblər.
Qeyd edək ki, hərəkət cədvəlinə əsasən, qatar şənbə günləri Bakıdan saat 07:00-da yola düşəcək, Ağdama 11:53-də çatacaq. Ağdamdan saat 18:20-də çıxan qatar isə saat 22:55-də Bakı Dəmiryol Vağzalında olacaq.
Sərnişinlər marşrut üzrə Bakı, Biləcəri, Ucar, Ləki, Yevlax, Bərdə, Köçərli, Təzəkənd və Ağdam stansiyalarından istifadə edə biləcəklər.
Sərnişinlərə "standart", "standart+", "biznes" və "birinci sinif" üzrə səyahət paketləri təklif olunacaq. Bakıdan Bərdə və Köçərli stansiyasına, Təzəkənd dayanacağına biletlərin minimum qiyməti 12 AZN, Ağdam Dəmir Yolu və Avtovağzal Kompleksinə isə 12,80 AZN təşkil edir.
Modern.az saytı Ağdam Dəmir Yolu stansiyasından fotoları təqdim edir.
Ən son xəbərləri və yenilikləri almaq üçün ain.az saytını izləyin.
