Ukrayna Baş Qərargahı Rusiyanın Krasnodar və Sızran şəhərlərində iki neft emalı zavodunun vurulduğunu təsdiqləyib.
Senzor.az bildirir ki, bu barədə Ukrayna Baş Qərargahı "Telegram" kanalında məlumat yayıb.
Qeyd olunub ki, hər iki halda zərbələr nəticəsində obyektlərdə yanğınlar qeydə alınıb.
Krasnodar Neft Emalı Zavodu ildə üç milyon ton həcmində yüngül neft məhsulları - benzin, dizel, aviasiya yanacağı istehsal edir. Rusiya Federasiyasının silahlı qüvvələrinin təminatında iştirak edir.
Sızran zavodu benzin, dizel və aviasiya kerosini ilə yanaşı, mazut və bitum da istehsal edir və emal həcmi 2025-ci ilin avqust ayına qədər ildə 8.5 milyon ton təşkil edib.
