Fransada ölkənin 14 milyona yaxın sakininə xidmət göstərən iri bankların ödəniş sistemlərində nasazlıq yaranıb
Publika.az xəbər verir ki, bu barədə “Le Parisien” nəşri yazıb.
Qəzetin aydınlaşdırdığı kimi, bir gün əvvəl “Credit mutuel” və CIC müştəriləri kredit kartları ilə alış-veriş edə və nağd pul çıxara bilməyiblər. Birinci bank problemləri qurumun İT departamentinin əməkdaşları tərəfindən tez bir zamanda aşkar edilərək aradan qaldırılan “daxili nasazlıq” kimi izah edib. Mənbə bildirib ki, çətinliklər kompüterin yenilənməsindən sonra yaranıb.
