Rusiya prezidenti Vladimir Putin ABŞ lideri Donald Tramp və Ukrayna prezidenti Volodimir Zelenski ilə üçtərəfli və ya ayrı-ayrılıqda ikitərəfli görüşlə bağlı hələlik heç bir razılaşma əldə etməyib.
"Unikal" xəbər verir ki, bunu Rusiya prezidentinin köməkçisi Yuri Uşakov deyib.
O izah edib ki, Rusiya-Ukrayna danışıqlarında nümayəndələrin səviyyəsinin artırılması ilə bağlı hələlik konkret təkliflər yoxdur.
"Hələlik mətbuatda yayımlananlar bizim razılaşdığımız şey deyil. İndi üçtərəfli görüşdən, Putinlə Zelenski arasında görüşdən danışırlar. Amma bildiyimə görə, Putinlə Tramp arasında bununla bağlı konkret razılaşma olmayıb", - Uşakov bildirib.
