Sentyabrın 2də axşam saatlarında Moskva Birjasının indeksi (IMOEX2) 1,65%-ə qədər enərək minimumda 2841,94 bəndə düşüb.
Publika.az xəbər verir ki, bu, saat 20:50-yə olan ticarət məlumatlarında əksini tapıb.
Daha sonra bazar qismən toparlanıb: saat 21:35-də eniş 1,54%-ə qədər azalıb və indeks 2845,17 bənddə dayanıb.
Bu eniş ABŞ prezidenti Donald Trampın Rusiya lideri Vladimir Putinlə bağlı “çox məyus olduğunu” bildirməsindən sonra baş verib.
Saat 21:57-yə olan vəziyyətə görə “Polyus” (+1,2%), “Transneft” (+0,17%) və “Astra Qrupu” (+0,12%) şirkətlərinin səhmləri artımda olub. Eyni zamanda “Rusal” (-3,35%), “En+” (-3,21%) və Moskva Kredit Bankının (-3,2%) səhmləri ucuzlaşıb.
