ain.az, Bizimyol portalına istinadən məlumat yayır.
Azərbaycan Avtomobil Dilerləri Assosiasiyası (AADA) oktyabr ayında "TEZ" - "Təhlükəsizlik, Ekologiya, Zövq" devizi altında ekoloji konfrans keçirəcək. Konfransda Azərbaycan avtomobil parkının mövcud durumu, problemlər və həlli yolları müzakirə olunacaq. Konfrans çərçivəsində dövlət qurumları, elm adamları, özəl sektor nümayəndələri və xarici qonaqların iştirakı və panel müzakirələr çərçivəsində çıxışlar olacaq.
Bizimyol.info xəbər verir ki, Azərbaycan Avtomobil Dilerlər Assosiasiyasının (AADA) idarə heyətinin sədri Eyyub Əliyev konfransın əhəmiyyətindən danışıb: “Bildiyiniz kimi cənab prezident İlham Əliyevin 2021 ci il 2 fevral tarixli "Azərbaycan 2030: sosial-iqtisadi inkişafa dair Milli Prioritetlər" adlı sərəncamı var. Bu sərəncamın 5 ci bəndi təmiz ətraf mühit və “yaşıl artım” ölkəsi adlanır. Məhz bu sərəncamdan sonra ölkəmizdə avtomobil sektoruna xüsusi yanaşma başlandı. Aidiyyatı qurumlar sərəncamdan irəli gələn məsələləri həll etmək məqsədilə özəl sektorla dialoq qurdular. Dövlət özəl sektor dialoqu uğurlu xətt üzrə inkişaf etdi. Ekoloji nəqliyyat vasitələrinə xüsusi güzəştlər tətbiq edildi, utilizasiya proqramı işlənildi və start götürdü. Biz də AADA olaraq, fəaliyyət göstərdiyimiz sektorda yaranan və ya yarana biləcək problemlərin həlli istiqamətində daim dövlət strukturları ilə müzakirələr aparır və təkliflər təqdim edirik”.
Qeyd edək ki, "TEZ" - "Təhlükəsizlik, Ekologiya, Zövq" devizi altında keçiriləcək ekoloji konfransda aşağıda qeyd edilən mövzular müzakirə olunacaq.
Paralel idxalKredit və lizinqYollarda təhlükəsizlikElektrik avtomobillər üçün şarj məntəqələri və infrasturukturUtilizasiya Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
