Kiyev "Dinamo"sunun və "Araz-Naxçıvan"ın sabiq müdafiəçisi Mohammed Kadiri dünəndən düşərgəsində olduğu Azərbaycan klubu ilə müqavilə bağlayıb.
Fanat.Az-ın əldə etdiyi məlumata görə, qanalı oyunçu 1-ci Liqa təmsilçisi "Mingəçevir"lə münasibətləri rəsmiləşdirib.
Afrikalı futbolçu 1 mövsümlük anlaşmaya imza atıb.
Kadiri karyerasına vətənində "Aşanti Qold"da başlayıb. Onun Avropa karyerası yetərincə zəngindir. Dayaq yarımmüdafiəçisi mövqeyində də oynaya bilən Mohammed "Araz-Naxçıvan"la yanaşı, müxtəlif vaxtlarda "Austriya" (Vyana, Avstriya), "Arsenal" (Tula, Rusiya), "Dinamo" (Kiyev, Ukrayna), "Çernomorets" (Ukrayna) və "Honved"də (Macarıstan) top qovub. 29 yaşlı futbolçu son olaraq Hindistanın “Mohammedan” klubunun formasını geyinib.
Mirağa
